Шымкент қаласында абаттандыру және тұрғындарға қолайлы орта қалыптастыру бағытындағы жұмыс жүйелі жалғасуда. Бұл ретте көп қабатты үйлерді басқарып, аулаларын көріктендіріп отырған үй басқарушылардың жұмысы қоғамда аса маңызды саналады.
Мысалы, Әл-Фараби ауданы Рашидов көшесіндегі №25 үйдің ауласы қаладағы ең көрікті ауланың бірінен саналады. Басқарушының жетекшілігімен бұл аула тазалығы, көгалдандырылуы мен тұрғындарға қолайлы жағдай жасалғанымен ерекшеленді.
Бұл – үй басқарушысының жауапты жұмысымен қоса тұрғындардың да бірлігі мен белсенділік танытуының нәтижесі.
Үй басқарушысы күн сайын аумақтың тазалығын қадағалайды, қажет жұмысты жүргізіп, тұрғындардың ұсыныс-пікірлерін ескеріп отырады. Осындай жүйелі еңбектің нәтижесінде аула бүгінгі таңда көпке үлгі болып отыр.
Осы орайда барша тұрғынды өз аулаларын күтіп-ұстауға, тазалық пен тәртіпті сақтауға шақырамыз!